समिपमै आउनचाहि - गजल
समिपमै आउनचाहि, डर लाग्छ भन्यौ
अलिकति माया मनमा, तर लाग्छ भन्यौ ।
किन माया गर्नु कुनी ? यस्तो डराउनले
हैन हैन केवल तिम्रै, भर लाग्छ भन्यौ ।
अर्कै बाटो रोजौं न त, भन्नै नहुने भो
मलाइ मात्र "ईस!केको, कर लाग्छ" भन्यौ ।
के होला यो साथ भन्ने, तिम्रो साथ पाए
दुख पिर सबै पर, पर लाग्छ भन्यौ ।
भन्दै थियो कृष्णपक्ष,, एकै छिन बसौं
सुर्जे पनि साँझ आफ्नै, घर लाग्छ भन्यौ ।
Posted by *.*
on 11:12 AM. Filed under